Girmek
Türkmenistanda Hazar deňziniň halkara güni bellenilýär. 2006-njy ýylyň 12-nji awgustynda Hazaryň deňiz gurşawyny goramak boýunça Çarçuwaly Konwensiýa güýje girdi. Bu taryhy resminama 2003-nji ýylyň noýabr aýynda bäş Hazarýaka döwletleriň: Azerbaýjanyň, Eýran Yslam Respublikasynyň, Gazagystan Respublikasynyň, Russiýa Federasiýasynyň we Türkmenistanyň wekilleri tarapyndan Tähranda gol çekildi.
Hazar döwleti hökmünde Türkmenistanyň deňiz giňişliginiň ekologiýasyny gorap saklamagyň öz mehanizmleri bar. Hazar deňziniň türkmen böleginde degişli ministrlikleriň we pudaklaýyn dolandyryş edaralarynyň işlerini utgaşdyrmak, Milli Hazar meýilnamasynyň hereketlerini üstünlikli amala aşyrmak maksady bilen, ýurtda Hazar deňziniň meseleleri boýunça Pudagara topar döredildi. Hazar deňzi boýunça hereketleriň milli meýilnamasy hem kabul edildi we birnäçe kadalaşdyryjy resminamalar girizildi.
Şu gün Türkmenistanda «Hazar deňzi — dostluk we ylalaşyk deňzi» atly ylmy-amaly maslahat öz işine başlady. Mundan başga-da, ýurtda Hazar deňzinde hyzmatdaşlygy we deňiz gurşawyny goramak boýunça çäreler geçiriler.