Girmek
«Arkadag» Türkmenistanyň futbol boýunça çempionatynyň 20-nji tapgyrynyň başga wagta geçirilen duşuşygynda «Aşgabady» uly hasap bilen ýeňdi.
Paýtagtymyzyň «Nusaý» stadionynda geçen duşuşyk meýdança eýeleriniň peýdasyna 4:0 hasaby bilen tamamlandy, bu duşuşykda Altymyrat Annadurdyýew üç gol geçirdi (18, 47 we 62-nji minutlarda), ýene bir pökgini Şamämmet Hydyrow garşydaşynyň derwezesinden geçirdi (77).
45 utuk toplan «Arkadag» ýaryş tertibinde öňdelikde barmagyny dowam etdirýär, «Aşgabat» kluby (11 utuk) 6-njy orny eýeleýär.
Annadurdyýew 13 gol bilen ýurdumyzyň Ýokary ligasynyň bombardirleriniň sanawynda öňde barýar.