Girmek
Şu gün Tokio şäherinde Türkmenistanyň Ýaponiýadaky ilçihanasy bilen Ýaponiýanyň «Fujisan Çidama» atly çagalar geňeşiniň bilelikde guramagynda «2025-nji ýyl – Halkara parahatçylyk we ynanyşmak ýyly» mynasybetli çagalaryň arasynda surat bäsleşigi geçirildi.
Türkmenistanyň DIM-iniň habar bermegine görä, çärä «Fujisan Çidama» geňeşiniň ýolbaşçylary we çagalar gatnaşdylar.
Çäräniň dowamynda oňa gatnaşyjylar Türkmenistanyň içeri we daşary syýasaty, ýurduň taryhy ýadygärlikleri, täsin tebigaty, medeni gymmatlyklary hem-de däp-dessurlary bilen tanyşdyryldy.
Bäsleşigiň netijeleri boýunça ýeňiji bolanlara ýadygärlik sowgatlar gowşuryldy hem-de ähli gatnaşyjylara türkmen milli tagamlary hödür edildi.