Günorta Hytaý kitap ýarmarkasynyň guramaçylyk komiteti Türkmenistanyň neşirýatçylaryny we kitap senagaty boýunça hünärmenlerini sebitdäki iň iri sergä gatnaşmaga resmi ýagdaýda çakylyk iberdi.

Çäre 2025-nji ýylyň 15–19-njy awgusty aralygynda Hytaýyň Guançžou şäherindäki Import-eksport ýarmarkasynyň sergi zalynda geçiriler. Guramaçylyk komitetiniň baş wekili Sun Ýu tarapyndan gol çekilen resmi çakylykda türkmen hünärmenleriniň 14–19-njy awgust aralygynda Hytaýa sapar bilen gelip biljekdigi habar berilýär.

Saparyň esasy maksady — Günorta Hytaý kitap ýarmarkasynyň Merkezi pawilýonynyň işine, şeýle-de serginiň çäklerinde geçiriljek medeni çärelere gatnaşmak bolup durýar. Guramaçylar Türkmenistandan gatnaşýan wekillere sergi diwarlyklaryny we meýletinçilik hyzmatlaryny mugt hödürleýärler.

Goşmaça maglumatlary almak isleýänler üçin aragatnaşyk salgysy: Hytaý, Guançžou şäheri, Týanhe etraby, Çanfu köçesi, 100, elektron poçtasy: ngsx_ban@163.com , telefon belgisi: 020-66220224.