Indira Gandi adyndaky Aşgabat lukmançylyk orta okuw mekdebi 14 – 27-nji iýul aralygynda 2025/2026-njy okuw ýyly üçin aşakdaky hünärler boýunça dalaşgärlerden resminamalary kabul edýär:

Býujet esasynda:

1. Şepagatçylyk işi.
2. Laboratoriýa anyklaýyş işi.

Tölegli esasda:

1. Şepagatçylyk işi.
2. Bejeriş işi.

Resmi iş kagyzlarynyň sanawy:

• bellenilen nusgada direktoryň adyna ýazylan arza;
• bellenilen nusgadaky sowalnama (anketa);
• bilimi baradaky resminama (asyl nusgasy);
• Türkmenistanyň Saglygy goraýyş we derman senagaty ministrligi tarapyndan bellenilen nusgadaky saglyk kepilnamasy;
• soňky okan (işlän) ýerinden, harby bölümden häsiýetnama;
• 3x4 sm ölçegdäki sekiz sany fotosurat;
• işleýänler üçin zähmet depderçesiniň tassyklanan göçürmesi;
• okuw dersleri boýunça mekdep okuwçylarynyň döwlet bäsleşiginiň ýeňijileri, halkara bäsleşiklere gatnaşan Türkmenistanyň ýygyndy toparynyň agzalary, şol ýagdaýlary tassyklaýan degişli resminamanyň asyl nusgasyny tabşyrýar.

Kabul edişligiň şertleri baradaky jikme-jik maglumatlary mekdebiň saýtynda görüp bilersiňiz.