Girmek
Şu gün Türkmenistanyň daşary işler ministriniň orunbasary Ahmet Gurbanow Hytaý Halk Respublikasynyň Türkmenistandaky täze bellenen Adatdan daşary we Doly ygtyýarly ilçisi Szi Şuminden ynanç hatlarynyň nusgalaryny kabul etdi. Bu barada Türkmenistanyň daşary syýasat edarasynyň saýtynda habar berildi.
Türkmenistanyň daşary işler ministriniň orunbasary ilçini jogapkärli diplomatik wezipä bellenmegi bilen gutlady hem-de türkmen tarapynyň onuň diplomatik işinde gerekli goldawy we ýardamlary bermäge taýýardygyny beýan etdi.
Gepleşikleriň dowamynda türkmen-hytaý gatnaşyklaryny mundan beýläk hem pugtalandyrmak bilen baglanyşykly birnäçe meseleler giňişleýin ara alnyp maslahatlaşyldy. Taraplar yzygiderli geçirilýän ýokary derejedäki duşuşyklaryň syýasy dialogyň güýçlenmegine goşant goşýandygyny bellediler.
Söwda-ykdysady gatnaşyklary işjeňleşdirmegiň çäginde taraplar energetika pudagynda hyzmatdaşlygy pugtalandyrmaga gyzyklanma bildirdiler.
Duşuşygyň ahyrynda söhbetdeşler hyzmatdaşlygy mundan beýläk hem ösdürmäge ygrarlylyklaryny tassykladylar diýlip, habarda bellenilýär.