Girmek
Türkmen wekiliýeti Duşenbe şäherinde guralan Halkara dokma forumyna gatnaşdy. Forumyň çäklerinde Türkmenistanyň we Täjigistanyň dokma pudagynyň wekilleri gepleşikleri geçirdiler. Şeýle-de bu çärä Merkezi Aziýa ýurtlarynyň hem-de beýleki sebitleriň döwlet düzümleriniň, işewür toparlarynyň we öňdebaryjy dokma kompaniýalarynyň wekilleri gatnaşdylar.
Türkmenistanyň wekiliýeti forumda ýurduň dokma senagaty ulgamyndaky esasy üstünliklerini — ýokary hilli pagta önümleriniň öndürilmegi, döwrebap tehnologiýalaryň ornaşdyrylmagy, eksport mümkinçilikleriniň ösdürilmegi we doly önümçilik zynjyrynyň emele getirilmegi bilen bagly ýetilen sepgitleri köpçülige tanyşdyrdy.
Forumyň dowamynda Täjigistanyň we beýleki ýurtlaryň degişli ugurda iş alyp kompaniýalary bilen birnäçe ikitaraplaýyn duşuşyklar geçirildi. Duşuşyklarda işewür hyzmatdaşlygy giňeltmek, tejribe we öňdebaryjy tehnologiýalary alyşmak mümkinçilikleri ara alnyp maslahatlaşyldy.
Mundan başga-da, türkmen wekiliýeti Duşenbedäki birnäçe senagat desgasyna, şol sanda «Guliston» dokma fabrigine baryp gördi. Olar bu ýerde önümçilik prosesi we hyzmatdaşlyk mümkinçilikleri bilen gyzyklanyp, dokma pudagyndaky mundan beýläkki hyzmatdaşlygyň ugurlaryny ara alyp maslahatlaşdylar.