Girmek
Türkmenistanyň futbol boýunça Kubogy ugrundaky ýarym final tapgyrynyň ilkinji gatnaşyjylary belli boldy. Bu barada Türkmenistanyň Futbol federasiýasy habar berýär.
«Arkadag» topary çärýek finalyň jogap duşuşygynda «Nebitçini» 3:1 hasabynda ýeňdi. Balkanabat şäherinde geçirilen oýunda ýeňiş gazanan topardan Begenç Akmämmedow (7-nji minut), Şanazar Tirkişow (13) we Didar Durdyýew (49) dagy tapawutlanmagy başardy. «Nebitçiniň» ýeke-täk goluny Hydyr Ýakubow (43, penaltiden) geçirdi. Ilkinji duşuşykda «Arkadag» 6:0 hasabynda ýeňiş gazanypdy.
«Ahal» topary bolsa «Köpetdagy» 1:0 hasabynda ýeňip, ýarym finala çykmagy başardy. Daýanç Meredowyň 8-nji minutda geçiren ýeke-täk goly topara ýeňiş getirdi. Oýnuň 78-nji minutynda «Köpetdag» toparynyň işi has-da çylşyrymlaşdy, sebäbi Batyr Geldiýew gyzyl kart alyp, topary azlykda galdyrmaga mejbur boldy. Ilkinji duşuşyk 0:0 hasaby bilen deňme-deň tamamlanypdy.
«Arkadag» toparynyň ýarym finalda çykyş etjek garşydaşy «Aşgabat» – «Altyn Asyr» toparlarynyň arasynda geçiriljek oýunda belli bolar. «Ahalyň» garşydaşy bolsa «Merw» – «Şagadam» toparlarynyň duşuşygynyň netijesine görä kesgitlener.