Türkmenistanyň futbol boýunça ýetginjekler ýygyndysy (17 ýaşa çenli) Merkezi Aziýa futbol birleşiginiň (CAFA) çempionatynda üçünji ýer üçin geçiriljek oýunda Gyrgyzystanyň topary bilen duşuşar.

Duşuşyk 30-njy maýda Daşkent şäheriniň «Dustlik» stadionynda geçiriler. Oýun Aşgabat wagty bilen 21:00-da başlanar.

Ýaryşyň finalynda Özbegistanyň we Täjigistanyň ýygyndylary duşuşarlar. Bäşinji orun ugrunda bolsa Eýranyň we Owganystanyň toparlary güýç synanyşar.

CAFA-nyň U-17 ýaryşynyň toparçalaýyn tapgyrynda baş tälimçi Ahmet Allaberdiýewiň ýolbaşçylygyndaky türkmen ýygyndysy Owganystanyň ýygyndysyna garşy oýnady we 1:0 hasabynda ýeňiş gazandy, soňky oýunda bolsa Täjigistanyň ýygyndysyndan 1:4 hasabynda utuldy.