Girmek
2025-nji ýylyň 19-njy maýyndan başlap, «Türkmenistan» howaýollary» açyk görnüşli paýdarlar jemgyýeti (AGPJ) Türkmenbaşy şäherine amala aşyrylýan ähli ýolagçy howa gatnawlaryny wagtlaýynça togtadýar.
Togtadylýan ugurlar şulardan ybarat: Aşgabat – Türkmenbaşy – Aşgabat, Türkmenabat – Türkmenbaşy – Türkmenabat, Mary – Türkmenbaşy – Mary, Daşoguz – Türkmenbaşy – Daşoguz. Bu barada awiakompaniýanyň resmi saýtynda habar berilýär.
Şol bir wagtyň özünde, awiakompaniýa Türkmenbaşy şäheriniň ýerine Balkanabat şäherine alternatiw ugurlar boýunça täze howa gatnawlaryny ýola goýýar. Täze ugurlar şulardyr: Aşgabat – Balkanabat – Aşgabat, Türkmenabat – Balkanabat – Türkmenabat, Mary – Balkanabat – Mary, Daşoguz – Balkanabat – Daşoguz.
Ýatyrylan uçuşlara öňünden petek alan ýolagçylara petekleriň bahasynyň doly yzyna gaýtarmak ýa-da Balkanabat şäheri arkaly täze ugurlar boýunça petekleri mugt çalyşmak mümkinçiligi hödürlenilýär.
Bu mümkinçiliklerden peýdalanmak üçin ýolagçylar Türkmenistanyň çägindäki islendik awiapetek satyn alyş nokadyna ýüz tutup bilerler. Şeýle-de petekler onlaýn satyn alnan bolsa, awiakompaniýanyň resmi saýty (https://turkmenistanairlines.tm) arkaly degişli mümkinçilikden peýdalanyp bilerler.
Ýolagçylar ähli soraglar boýunça aşakdaky telefon belgilerine jaň edip bilerler: 39-17-17, 23-03-18, 23-03-15, 37-84-52, 37-84-32.