12-nji maýda Türkmenistanyň Döwlet haryt-çig mal biržasynda nobatdaky söwdalar geçirildi, olaryň netijesinde daşarky we içerki bazarlarda dürli geleşikler baglaşyldy.

Daşarky bazarda Türkiýeden gelen telekeçiler türkmen hyzmatdaşlary bilen nah ýüplügini satyn almak barada geleşik baglaşdylar – diýip, TDHÇMB habar berýär.

Içerki bazarda bolsa ýerli telekeçiler «Türkmennebit» döwlet konserni bilen «BND 60/90» kysymly ýol bitumyny satyn almak boýunça geleşikleri baglaşdylar. Şeýle-de Türkmenistanyň Dokma senagaty ministrliginden nah ýüplügini we nah matasyny satyn almak barada geleşikleri baglaşdylar.

Söwdalaşyklaryň barşynda jemi 7 047 700,00 manada we 139 920,00 ABŞ dollaryna barabar bolan 4 geleşik baglaşyldy.