Germaniýa syýasy özgerişliklere taýýarlyk görýär. HDS (Hristian-demokratik bileleşik) partiýasynyň başlygy Fridrih Mers 6-njy maýda ýurduň täze Kansleri wezipesine saýlansa gerek. Nemes neşirleriniň käbiriniň ýazmagyna görä, Bundestagda ses berlişige taýýarlyk eýýäm jemleýji tapgyrda diýip, «Tagesschau» portalyna salgylanýan «rg.ru» ýazýar.

«Tagesspiegel» gazeti 5-nji maýda Bundestagyň parlament fraksiýalarynyň ýygnagynyň meýilleşdirilendigini habar berdi. Kansleriň saýlawlaryndan soňra golaý wagtda ýurduň Prezidenti Frank-Walter Ştaýnmaýer Hökümetiň täze agzalaryny wezipä bellär, soňra Ministrler Kabineti Bundestagda kasam kabul eder.