Girmek
Russiýa bilen Türkmenistanyň arasynda bilim pudagyndaky hyzmatdaşlygyň ösdürilmeginiň çäklerinde Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Deňizçilik orta okuw mekdebine rus dilindäki 500-e golaý okuw-usuly gollanmalary we ylmy-populýar edebiýat sowgat berildi. Bu barada Russiýa Federasiýasynyň Türkmenistandaky ilçihanasynyň metbugat gullugy habar berýär.
Okuw materiallaryny gowşurmaga bagyşlanyp geçirilen dabaraly çärä Russiýanyň ilçihanasynyň Türkmenbaşy şäherindäki konsullyk bölüminiň müdiri Mergen Jewakow gatnaşdy.
Bellenilişi ýaly, 2024-nji ýylyň noýabr aýynda Russiýa Aşgabadyň we Türkmenabadyň ýokary okuw mekdeplerine hem rus dilindäki çeper we ýöriteleşdirilen edebiýatlary sowgat beripdi.