Girmek
Şu gün Türkmenistanyň daşary işler ministri Raşid Meredow bilen Mongoliýanyň daşary işler ministri hanym Batseseg Batmunhiýniň arasynda telefon arkaly söhbetdeşlik geçirildi. Onda ikitaraplaýyn hyzmatdaşlygyň meseleleriniň giň toplumy ara alnyp maslahatlaşyldy. Bu barada Türkmenistanyň daşary syýasat edarasynyň metbugat gullugy habar berdi.
Söhbetdeşligiň dowamynda iň ýokary derejedäki özara saparlary guramaga we amala aşyrmaga aýratyn üns berildi.
Daşary syýasat edaralaryň ýolbaşçylary iki ýurduň halkara guramalarynyň, ilkinji nobatda, BMG-niň çägindäki özara gatnaşyklaryna garadylar.
Mundan başga-da, ministrler iki ýurduň arasyndaky hyzmatdaşlygyň şertnama-hukuk binýadyny berkitmek barada pikir alyşdylar.