Bir oýun galanda Ýewropanyň 18 kluby Çempionlar ligasynyň play-off tapgyryna çykmagy üpjün etdi. Birinji ýerden sekizinji orny eýelän komandalar gönümel 1/8 finalyna çykýar, 16 komanda bolsa play-off tapgyrynda çykyş etmeli bolarlar, 9-njy ýerden 16-njy orny eýelän toparlar saýlama duşuşyklaryny geçirerler. Bu tapgyryň ýeňijileri 1/8 finalyna gatnaşmaga hukuk gazanar, ýeňlen komandalar bolsa Ýewropa ligasynda ýaryşy dowam etdirerler.

Sekizinji tapgyrdan öň Angliýanyň «Liwerpul» we Ispaniýanyň «Barselona» klublary 1/8 finalyna çykmagy üpjün etdiler, Angliýanyň «Arsenal» we Italiýanyň «Inter» klublary bolsa 1/8 finalyna çykyp bilmedik halatynda, play-off tapgyrynyň saýlama oýunlarynda çykyş ederler. Şeýle hem «Milan», «Atalanta», «Ýuwentus» (ählisi - Italiýa), «Baýer», «Bawariýa», «Borussiýa» (ählisi - Germaniýa), «Monako», «Lill», «Brest» (ählisi - Fransiýa), «Atletiko»,

«Real» (ikisi hem - Ispaniýa), «Aston Willa» (Angliýa), «Feýenord» (Niderlandlar) we «Seltik» (Şotlandiýa) play-off tapgyryna gatnaşarlar.

9 klub play-off tapgyryna geçmek mümkinçiliginden mahrum boldy, olaryň hatarynda «Şturm», «Zalsburg» (ikisi hem - Awstriýa), «Bolonýa» (Italiýa), «Sparta» (Çehiýa), «Leýpsig» (Germaniýa), «Žirona» (Ispaniýa), «Srwena Zwezda» (Serbiýa), «Slowan» (Slowakiýa) we «Ýang Boýz» (Şweýsariýa) bar.

Çempionlar ligasynyň soňky, 8-nji tapgyrynyň 18 oýnunyň ählisi 29-njy ýanwardan 30-njy ýanwara geçilýän gije Aşgabat wagty bilen 01:00-da başlanar.