Girmek
Russiýa Federasiýasynyň Prezidenti Wladimir Putin her ýyl geçirilmegi däbe öwrülen göni ýaýlymdaky metbugat-duşuşygynda 4 sagat 26 minudyň dowamynda žurnalistleriň hem-de raýatlaryň sowallaryna jogap berdi. Bu gezek ol watandaşlarynyň 70-den gowrak sowalyna jogap bermäge ýetişdi diýip, «Interfax.ru» ýazýar.
Bu ýyl halkara gün tertibi russiýalylary az gyzyklandyrdy, bu ugurdaky sowallar bilen Prezidente, esasan, žurnalistler, aýratyn-da daşary ýurt habar beriş serişdeleriniň wekilleri ýüzlendiler. Russiýanyň raýatlaryny, Prezident bilen göni ýaýlymyň görkezişi ýaly, ýurduň içerki durmuşy, şol sanda ykdysadyýet, sosial ulgam, ulag we saglygy goraýyş gyzyklandyrdy.
Bu gezek rus Liderine 2,5 million sowal geldi diýlip, habarda bellenýär.
Putiniň raýatlar bilen göni ýaýlym arkaly duşuşygyny dünýäniň onlarça döwletiniň neşirleri, teleýaýlymlary görkezdiler. Olaryň arasynda Britaniýanyň «Guardian», «Times» we «Sun» gazetleri, «Times Radio» we «Sky News» teleradioýaýlymlary, Ispaniýanyň «Negocios TV» ýaýlymy, «Pais» we «Mundo» neşirleri, «WELT» nemes gazeti, «Al-Jazira», «ANI» we «CNBC TV» teleýaýlymlary hem-de Eýranyň «IRNA» habarlar agentligi bar.