Yrakda 37 ýyldan soňra geçirilen ählumumy ilat ýazuwynyň jemleri boýunça ýurtda 45,4 million adamyň ýaşaýandygy hasaba alyndy. Bu barada ýurduň Ministrler Kabinetiniň başlygy Muhammed as-Sudani ýörite metbugat maslahatynda habar berdi diýip, «Shafaq News» portalyna salgylanýan TASS ýazýar.

As-Sudani ilatyň düzüminde erkekleriň 50,1 we zenanlaryň 49,8 göterimi eýeleýändigi aýtdy.

1987-nji ýyldan bäri Yrakda ählumumy ilat ýazuwy 20-nji noýabrda geçirildi. 1987-nji ýylda ýurtda 16,3 million ilat ýaşaýardy, 1997-nji ýylda bu görkeziji 22 milliona ýetdi. Bütindünýä Banky 2023-nji ýylda Yragyň ilatyny takmynan 45,5 million möçberde çaklady.