Geçen şenbe güni amerikan kino ýyldyzy Leonardo Di Kaprio 50 ýaşyny belledi, onuň Los-Anjeles şäherindäki hususy mülkünde guran agşamlygyna Golliwudyň ýyldyzlarynyň köp sanlysy gatnaşdy diýip, «Page Six» neşirine salgylanýan «hellomagrussia.ru» habar berdi.

Agşamlyga meşhur kinorežissýor Stiwen Spilberg, şeýle-de Robert de Niro, Bred Pitt, Edward Norton, Jeými Foks, Orlando Blum, Mark Ruffalo ýaly aktýorlaryň we başga-da köp ýyldyzlaryň gatnaşandygy bellenýär.

Leonardo Di Kaprionyň hakyky doglan güni 11-nji noýabrdyr, emma ol 50 ýaşyny dynç güni – şenbede bellemek isledi diýip, neşir ýazýar.

Baýramçylygyň guramaçylary myhmanlardan agşamlygy surata düşürmezlik üçin ýany bilen el telefonlaryny almazlygy talap etdiler.