Girmek
Şu ýylyň ýanwar — awgust aýlarynda Türkmenistan bilen Türkiýäniň arasyndaky özara söwda dolanyşygy görnetin ýokarlandy. Bu barada Türkiýäniň Türkmenistandaky ilçisi Ahmet Demirokyň «Neýtralnyý Turkmenistan» gazetinde çap edilen makalasynda aýdylýar.
Makalada bellenilişine görä, hasabat döwründe türkmen-türk söwda dolanyşygy 1,53 milliard amerikan dollaryna deň bolupdyr. Bu görkeziji geçen ýylyň degişli döwri bilen deňeşdirilende, 16 göterim ýokarydyr.
«Ýakyn geljekde döwlet Baştutanlarymyzyň ýolbaşçylygynda özara söwda dolanyşygy boýunça umumy maksadymyza — bäş milliard amerikan dollarlyk sepgide ýetjekdigimize ynanýarys» diýip, türk diplomaty öz makalasynda ýazýar.
Ýeri gelende bellesek, 2023-nji ýylda Türkmenistan bilen Türkiýäniň arasyndaky özara söwda dolanyşygy 2,6 milliard amerikan dollaryna barabar bolupdy.