Dünýäde iň kiçijik daşa dönen dinozawr ýumurtgasy Hytaýyň Szýansi ülkesinde tapyldy. Bu barada «argumenti.ru» saýtyna salgylanýan «MIR 24» habar berdi.

Szýansi ülkesiniň Geologik gözlegler institutynyň başlygy Lu Faşengiň aýtmagyna görä, ýumurtganyň uzynlygy bary-ýogy 2,9 santimetre deň. Mundan öňki tapylan iň kiçijik dinozawr ýumurtgalarynyň göwrümi 4,5×4,0 ×3,4 santimetrden uly däldi.

2021-nji ýylda Li Faşeng tarapyndan ýolbaşçylyk edilýän alymlar topary ýaşy 80 million ýyldan geçýän alty sany daşa dönen ýumurtganyň üstünden bardy. Alymlaryň pikiriçe, olar kiçeňräk teropod-dinozawrlaryňkydyr.