Girmek
Türkmen wekiliýeti 17 — 19-njy sentýabr aralygynda Russiýa Federasiýasynyň Başkortostan Respublikasynyň paýtagtynda geçirilýän GDA-nyň Döredijilik we ylmy intelligensiýasynyň XVII forumyna gatnaşýar.
Türkmenistanyň Bilim ministrliginiň saýtynda berilýän habara görä, foruma GDA ýurtlaryndan 200-den gowrak wekil gatnaşýar.
Forumyň temasy «Garaşsyz Döwletleriň Arkalaşygy: umumy gymmatlyklar we köpdürli medeniýetler» diýlip atlandyrylyp, onuň dowamynda häzirki zaman şertlerinde hyzmatdaşlygyň meýilnamalary ara alnyp maslahatlaşylar we ileri tutulýan ugurlar boýunça pikir alşylar.
Bu çäre GDA-da ýöriteleşdirilen ynsanperwer birleşikleriň ýolbaşçylarynyň mejlislerini, kinorežissýorlaryň, döredijilik bilen bagly ugurlara ýöriteleşen uniwersitetleriniň ýolbaşçylarynyň hem-de beýleki ugurdaş hünärmenleriň tegelek stollaryny öz içine alýar.
Forum GDA agza ýurtlaryň Ynsanperwer hyzmatdaşlyk boýunça döwletara gaznasy tarapyndan guralýar.
Foruyň ilkinji gününde «Başkortostan»Döwlet konsert zalynda GDA-nyň Ýaşlar simfoniki orkestriniň hem-de Başkortostan Respubikasynyň Döwlet akademiki simfoniki orkestriniň konserti boldy. Onda türkmen sazandalary we Türkmenistanyň Döwlet simfoniki orkestriniň baş dirižýory Resul Gylyjow hem çykyş etdiler.