Girmek
Gyrgyz Respublikasynyň Döwlet statistika gullugynyň habaryna görä, şu ýylyň birinji çärýeginde Gyrgyzystan bilen Türkmenistanyň arasyndaky daşary söwda dolanyşygy 20 million dollara ýetdi we 2023-nji ýylyň degişli döwri bilen deňeşdirilende 36% ýokarlandy. Bu barada «Bigasia» ýazýar.
Gyrgyzystandan Türkmenistana eksport 5,2%, Gyrgyzystana türkmen harytlarynyň importy 38,1% ýokarlandy.
Özbek statistika gullugy Özbegistan bilen Türkmenistanyň arasyndaky söwda dolanyşygynyň 23% ýokarlandygyny we şol döwürde 455,5 million dollara ýetendigini habar berdi. Türkmenistandan Özbegistana eksport 36% ýokarlandy we 407,5 million dollar boldy.
Türkmenistan Özbegistanyň söwda hyzmatdaşlarynyň arasynda 7-nji ýeri eýeledi diýlip, habarda bellenilýär.