Girmek
«Tetris» atly nusgawy oýun 40 ýaş ýubileýini belledi. «Report.az» neşiriniň ýazmagyna görä, oýun 1984-nji ýylda sowet programmaçysy Alekseý Pažitnikow tarapyndan «Elektronika-60» kompýuterinde döredildi.
Oýun «Nintendo» tarapyndan «Game Boy» enjamy üçin «Tetris» kartriji öndürilip başlanandan soňra bütin dünýäde meşhurlyk gazandy. Henize çenli ony millionlarça adam elde göterilýän oýun konsollarynda, internetde we smartfonlarda oýnaýar.
2007-nji ýylda oýun ABŞ-nyň Kongresiniň kitaphanasy tarapyndan iň görnükli kompýuter oýunlarynyň 10-lugyna girizildi. «Tetris» boýunça ýaryşlar bütin dünýäde yzygiderli geçirilýär.