Türkmenistan 2024-nji ýylyň 22-nji martynda Moskwa oblastynyň Krasnogorsk şäheriniň «Crocus City Hall» konsertler merkezinde bolup geçen terrorçylyk hereketlerini berk ýazgarma bilen çykyş edýär.

— Merhum bolan adamlaryň ýakynlaryna we dogan-garyndaşlaryna gynanjymyzy hem-de goldawymyzy bildirýäris. Ejir çekenleriň ählisine tiz sagalmaklaryny arzuw edýäris — diýlip, Türkmenistanyň DIM-niň resmi saýtynda berilýän habarda bellenilýär.

Russiýanyň Federal Howpsuzlyk Gullugynyň (FSB) habaryna görä, terrorçylykly hüjüm netijesinde 40 adam aradan çykyp, 100-den gowrak adam ýaralandy.