Girmek
«Astana» diplomatik kluby Türkmenistanyň we Merkezi Aziýanyň beýleki ýurtlarynyň telekeçilerini 26 — 29-njy mart aralygynda Ermenistana iş sapary bilen gelmäge çagyrýar.
Dört günlük saparyň esasy maksady ýurduň maýa goýum mümkinçiliklerini öwrenmek we ýerli kärhanalar bilen özara bähbitli hyzmatdaşlygy ýola goýmakdan ybarat bolar. Onuň dowamynda ministrlikleriň, edara-kärhanalaryň we ýerli häkimlikleriň wekilleri bilen duşuşyklar geçirilip, bilelikdäki taslamalaryň geljegi ara alnyp maslahatlaşylar.
Guramaçylar esasy ünsüň IT, dokma senagaty, maşyn gurluşygy, agrosenagat toplumy, ulag we logistika ugurlaryna gönükdiriljekdigini nygtaýarlar.
Telekeçiler bu ýerde ýurduň ykdysadyýetiniň esasy pudaklaryna maýa goýmak boýunça gerekli maglumatlary alyp bilerler.
Çärä gatnaşmak isleýän telekeçiler guramaçylaryň Aşgabatdaky wekili bilen (+993 62) 60-68-85 telefon arkaly habarlaşyp bilerler.
Goşmaça maglumatlary dipclub.kz web sahypasyndan tapyp bilersiňiz.