Türkmenistanyň milli ýygyndysynyň metbugat gullugy DÇ-2026-nyň we 2027-nji ýyldaky Aziýa Kubogynyň saýlama tapgyrynyň mart aýynda boljak oýunlaryna gatnaşjak oýunçylaryň sanawyny yglan etdi. Sanawdan 24 oýunçy orun aldy.

Türkmenistanyň milli ýygyndysynyň doly düzümi:

• Tälimçiler ştaby: Mergen Orazow, (baş tälimçi), Mekan Muhammetmyradow, Welsähet Öwezow, Pawel Matus (derwezeçileriň tälimçisi), Eldar Täşliýew;
• derwezeçiler: Resul Çaryýew («Arkadag»), Rüstem Ahallyýew («Ahal»), Batyr Babaýew («Altyn Asyr»);
• goragçylar: Güýçmyrat Annagulyýew, Abdy Bäşimow, Ybraýym Mämmedow (hemmesi – «Arkadag»), Ata Geldiýew, Hakmuhammet Bäşimow (ikisi hem – «Ahal»), Wepa Jumaýew («Witebsk», Belarus), Röwşen Halmämmedow, Şöhrat Söýünow (ikisi hem – «Altyn Asyr»);
• ýarymgoragçylar: Arslanmyrat Amanow, Mirza Beknazarow, Şanazar Tirkişow (hemmesi – «Arkadag»), Teýmur Çaryýew («Abdyş-Ata», Gyrgyzystan), Selim Nurmyradow («Altyn Asyr»), Döwran Hojamämmedow, Ýazgylyç Gurbanow, Meýlis Diniýew (hemmesi – «Ahal»), Ruslan Mingazow («Kitçi», Gonkong);
• hüjümçiler: Didar Durdyýew, Begmyrat Baýew, Altymyrat Annadurdyýew (hemmesi – «Arkadag»), Alibek Abdyrahmanow («Ahal»).

«Ahalyň» kapitany Elman Tagaýew we «Arkadag» toparynyň ýarymgoragçysy Ilýa Tamurkin şikes sebäpli öňde boljak oýunlarda milli ýygynda ýardam edip bilmezler.

Şeýle-de, milli ýygyndynyň düzüminden Özbegistan we Gonkong bilen bolan oýunlarda meýdança çykan — «Arkadag» klubunyň derwezeçisi Rahat Japarow, şol toparyň ýarymgoragçylary Welmyrat Ballakow we Meýlis Durdyýew, toparyň hüjümçisi Şamämmet Hydyrow, «Altyn asyrdan» Myrat Annaýew we Rahman Myratberdiýew, «Şagadamdan» Yhlas Magtymow ýaly oýunçylar orun almadylar.

Mart aýynda Mergen Orazowyň şägirtleri üç oýunda meýdança çykarlar. Milli ýygyndy 14-nji martda Gazagystan bilen ýoldaşlyk duşuşygyny geçirse, DÇ-2026-nyň saýlamasynyň çäginde Eýranyň milli ýygyndysy bilen 21-nji martda Tähranda, 26-njy martda Aşgabatda güýç synanyşar.