«Ahal» futbol boýunça Türkmenistanyň çempionatynyň 3-nji tapgyrynda Türkmenbaşy şäheriniň «Şagadam» toparyny 1:0 hasabynda ýeňlişe sezewar etdi. Duşuşyk Ahal welaýatynyň Gökdepe etrabynyň Babarap geňeşligindäki «Sport toplumy» stadionynda geçirildi.

Ýer eýelerine ýeňiş getiren gol 90-njy minutda Alibek Abdyrahmanow tarapyndan derwezä gönükdirildi. Oýnuň 82-nji minutynda «Ahalyň» kapitany Elman Tagaýew 11 metrlik jerime urgusyny dürs ýerine ýetirip bilmedi.

Şeýlelikde, Serdar Geldiýewiň tälim.berýän topary Türkmenistanyň çempionatynyň täze möwsümindäki bassyr üçünjini ýeňşini gazanyp, turnir tablisasyndaky liderligini dowam edýär. «Ahal» indiki tapgyrda 30-njy martda «Arkadag» kluby bilen duşuşar. «Arkadag» toparynyň hasabynda 2 oýundan soňra 6 utuk bar.

«Şagadam» indiki tapgyrda öz öýünde «Aşgabady» kabul eder. Oýun 29-njy martda geçiriler.