Girmek
Türkmenistanly türgen Abdylla Babaýew «AMC Fight Nights 123» turnirinde täjigistanly Abdulaziz Ýuldoşewi ýeňlişe sezewar etdi.
Abdylla Babaýew tutluşygyň birinji raundynda bogmak usuly bilen wagtyndan öň ýeňiş gazandy. Bu söweşiň türkmen türgeni üçin «Fight Nights 123» promouşenindäki ilkinji tutluşyk bolandygyny bellemek gerek.
Abdylla Babaýew söweş sambosy boýunça halkara derejeli sport ussady bolup, ol üç gezek Dünýä kubogynyň eýesi, Aziýanyň çempiony hem-de pankration boýunça dünýä çempiony hasaplanýar. Ol «Gala Sports Management» guramasynyň wekilidir.