Girmek
Türkmenistanyň Rumyniýadaky ilçihanasy şanly sene — Gündogaryň beýik akyldary we nusgawy türkmen şahyry Magtymgulynyň doglan gününiň 300 ýyllygyna we «Pähim-paýhas ummany Magtymguly Pyragy» ýylyna» bagyşlanan surat bäsleşigini yglan etdi.
Rumyniýanyň ýokary okuw mekdepleriniň talyplary bäsleşige gatnaşmaga çagyrylýar. Bäsleşik Magtymgulynyň portretini çekmek boýunça geçirilýär diýip, ilçihananyň metbugat gullugy habar berýär.
Eserler A3 ölçegli kagyzda kabul edilýär. Esere gol çekilmeli we onda awtoryň, ýokary okuw mekdebiniň we fakultetiň habarlaşmak üçin maglumatlary bolmaly.
Bäsleşige hödürlenilýän işler 23-nji fewrala çenli Türkmenistanyň Rumyniýadaky ilçihanasynda şu salgy boýunça kabul edilýär: Bucharest, Sector 1, Intrarea Aviator Teodor Iliescu, 33.
Bäsleşigiň ýeňijileri 2-nji martda Ilçihananyň web sahypasynda yglan ediler.