Girmek
Türkmenistanyň Prezidenti Serdar Berdimuhamedow mekdebe çenli, başlangyç, esasy orta, doly orta, mekdepden daşary we goşmaça bilim boýunça okatmagyň usulyýetini milli tejribä, döwlet we halkara bilim standartlaryna laýyk getirýän resminamany — Türkmenistanda okatmagyň usulyýetini kämilleşdirmegiň Konsepsiýasyny taýýarlamagyň möhümdigini nygtaýar. Döwlet Baştutany bu barada 24-nji sentýabrda geçirilen Türkmenistanyň Halk Maslahatynyň mejlisinde eden çykyşynda aýtdy.
Bellenilişi ýaly, ylmyň we tehnikanyň örän çalt depginler bilen ösmegi, täze tehnologiýalaryň döremegi, dünýäniň bilim giňişligine Türkmenistanyň işjeň goşulyşmagy ýurduň bilim edaralarynda okatmagyň usulyýetini kämilleşdirmegi talap edýär.