Girmek
Türkmenistanyň futbol boýunça milli ýygyndysynyň Indoneziýanyň (0:2) we Bahreýniň ýygyndylary (1:1) bile n geçiren ýoldaşlyk duşuşyklarynda baş tälimçi Mergen Orazow ätiýaçlykdaky oýunçylaryň birnäçesine mümkinçilik berdi.
Indoneziýanyň ýygyndysy bilen geçirilen duşuşykda «Ahalyň» iki futbolçysy — Alibek Abdyrahmanow we Ýazgylyç Gurbanow ilkinji gezek milli ýygyndynyň köýnekçesinde meýdana çykdy. Baş tälimçi iki futbolça hem oýnuň ikinji ýarymynda mümkinçilik berdi.
Bahreýniň ýygyndysy bilen bolan duşuşykda bolsa «Energetik-BGU»-nyň futbolçysy Wepa Jumaýew başlangyç düzümde meýdana çykdy. Şeýlelikde, ol hem ilkinji gezek milli köýnekçäni geýdi. Wekilçilik edýän toparynda-da yzygiderli oýunlara gatnaşyp gelýän 17 duşuşykda 1 gol geçirdi.
Bu duşuşyklar Dünýä çempionaty — 2026-nyň saýlama tapgyryna taýýarlygyň bir tapgyrydyr. Türkmen ýygyndysy «E» toparçasyna wekilçilik eder. Bu toparçada Türkmenistandan başga-da, Özbegistanyň we Eýranyň ýygyndylary bar. Toparçanyň dördünji wekili Gonkong — Butan jübütleriniň ýeňijisi bolar.
Türkmenistanyň ýygyndysy Dünýä çempionaty — 2026-nyň saýlama tapgyryndaky ilkinji duşuşygyny 16-njy noýabrda Aşgabatda Özbegistanyň ýygyndysy bilen geçirer.