Türkmenistanyň futbol çempionatynyň öňdebaryjysy «Arkadag» futbol topary Bolgariýadaky okuw-türgenleşik ýygnanyşygynyň çäklerinde Ysraýylyň Premýer-ligasynyň wekili «Bneý Sahnin» toparynyň ýaşlar düzümi bilen ýoldaşlyk duşuşygyny geçirdi. Duşuşykda Türkmenistandaky ilkinji «akylly» şäher bilen adybir topar 2:0 hasabynda ýeňiş gazandy.

«Arkadag» toparyna ýeňiş getiren gollary Orazberdi Myradow bilen Didar Durdyýew geçirdi.

Topar mundan ozal Demirgazyk Makedoniýanyň «Besa» topary bilen hem duşuşyk geçiripdi we 1:1 hasabynda deňme-deň oýnapdy.

«Arkadag» futbol toparynyň Bolgariýadaky okuw-türgenleşik ýygnanyşygy 21-nji iýulda başlandy, ol 8-nji awgustda tamamlanar. Topar bu ýerde Türkmenistanyň çempionatynyň we Kubok ýaryşynyň duşuşyklaryna taýýarlyk görýär.