«Türkmenistan» awiakompaniýasynyň Russiýadaky baş agentligi Aşgabat (ASB) — Stambul (IST) gatnawlary boýunça petekleriň rublda satylyp başlandygy barada habar berdi. Degişli bildiriş «Türkmenistan» awiakompaniýasynyň Russiýadaky wekilhanasynyň resmi web sahypasynda ýerleşdirildi.

«Gadyrly ýolagçylar, web sahypamyzda sentýabr üçin Aşgabat — Stambul gatnawlary boýunça petekleri satyn alyp bilersiňiz. Geljekde satuwy oktýabr aýyna çenli uzaldarys» diýilýär.

Türkmenistanyň raýatlary üçin petekler aşakdaky bahadan satylýar:

• Aşgabat (ASB) — Stambul (IST): 39,179 ₽

Nyrhlar (2023-nji ýylyň 3-nji awgustyna görä) bir tarap üçin görkezilendir.

Ýolagçylar «Mir» töleg ulgamynyň bank kartyny ulanyp, rus walýutasynda töläp bilerler.