Girmek
Şu gün Prezident Serdar Berdimuhamedow Arkadag şäherinde Türkmenistanyň Ministrler Kabinetiniň giňişleýin göçme mejlisini geçirdi. Şeýle-de döwlet Baştutany bu ýerde Arkadag şäheriniň gurluşygynyň ikinji tapgyrynyň düýbüni tutmak dabarasyna gatnaşdy. Bu barada TDH habar berýär.
Bellenilişi ýaly, Arkadag şäheriniň gurluşygynyň ikinji tapgyrynyň düýbüni tutmak dabarasynyň çäklerinde, täze şäherde ulanyljak, ekologiýa talaplaryna doly laýyk gelýän döwrebap ulaglar – elektrobuslar, elektromobiller, jemagat we ýöriteleşdirilen gulluk ulaglary sowgat berildi.
Soňra bu ýerde türkmençilik däp-dessuryna eýermek bilen, başy başlanýan asylly işleriň rowaç bolmagy dileg edilip, toý sadakasy berildi.
Ozal habar berşimiz ýaly, Arkadag şäheriniň gurluşygynyň ikinji tapgyrynda, esasan, senagat desgalary gurlar.