Girmek
«Ahal» futbol topary çempionatdaky şowsuzlyklarynyň köküni Kubok ýaryşynda gyryp, ýarym finala çykmagy başardy. Topar düýn çärýek finalyň Türkmenbaşy şäherinde geçirilen jogap duşuşygynda ýerli «Şagadamy» 3:0 hasabynda ýeňdi. Aşgabatda geçirilen birinji duşuşyk hem «Ahalyň» 4:1 hasabyndaky ýeňşi bilen tamamlanypdy.
Jogap duşuşygyndaky gollary 8-nji we 25-nji minutda Pirmyrat Sultanow, 70-nji minutda bolsa Meýlis Diniýew geçirdi.
«Şagadamyň» derwezesinden iki duşuşykda 7 gol geçiren «Ahal» ýarym finalda Marynyň «Merwiniň» garşydaşy bolar.
Türkmenistanyň kubogyna mynasyp bolan toparyň geljek ýylda yklym ýaryşlaryna gatnaşjakdygyny ýatladýarys.