«Inter» soňky 12 ýylyň içinde ilkinji gezek Çempionlar ligasynyň çärýek finalyna çykdy. Bu barada «Sports.ru» ýazýar.

Simone Indzaginiň şägirtleri 1/8 finalda 1:0 we 0:0-luk hasaplar bilen «Portudan» üstün çykdylar. Italýan toparynyň çärýek finaldaky garşydaşy biraz soňrak belli bolar.

«Inter» Ýewropanyň birinji derejeli klublaýyn ýaryşynyň çärýek finalyna taryhynda iň soňky gezek 2010 ― 2011-nji ýyllaryň futbol möwsüminde çykyp görüpdi.

Şondan bir möwsüm öň bolsa «Interiň» Çempionlar ligasynyň çempiony bolandygyny ýatladýarys. Topar finalda «Santýago Bernabeu» stadionynda nemesleriň «Bawariýasyny» utupdy.