Girmek
Russiýanyň «Gazprom» kompaniýasynyň milli ýygyndylar derejesindäki Merkezi Aziýanyň ilkinji futbol çempionatyna hemaýatkärlik etjekdigi habar berildi.
CAFA sebit ýaryşyny şu ýylyň 9 ― 21-nji iýuny aralygynda geçirer. Sebit ýaryşyny Özbegistanyň Daşkent we Gyrgyzystanyň Bişkek şäherleri kabul eder.
CAFA—2023 çempionatyna bu assosiasiýa agza döwletleriň ählisiniň, şol sanda Türkmenistanyň hem milli ýygyndysynyň gatnaşmagyna garaşylýar. Şeýle hem Özbegistanyň, Täjigistanyň, Eýranyň, Gyrgyzystanyň, Owganystanyň ýygyndylary hem sebit ýaryşyna gatnaşar.
Merkezi Aziýanyň ilkinji çempionatyna Russiýanyň milli ýygyndysynyň gatnaşmagy bolsa onuň esasy aýratynlygy bolar.
Umuman, ýaryş sekiz ýygyndynyň arasynda geçiriler. Sekizinji ýygyndy ýakyn günlerde mälim ediler.