Girmek
59 ýaşly Amir Galenoi Eýranyň futbol boýunça milli ýygyndysynyň baş tälimçisi boldy. Bu barada TASS habar berýär.
Täze baş tälimçi bilen 2024-nji ýylda geçiriljek Aziýanyň kubogy tamamlanýança şertnama baglaşyldy. Galenoi mundan ozal milli ýygynda 2006 ― 2008-nji ýyllar aralygynda tälim beripdi.
Eýranyň ýygyndysyna ozal portugaliýaly Karluş Keýruş tälim berýärdi, ýöne Katardaky dünýä çempionaty tamamlanansoň, onuň bilen baglaşylan şertnama ýatyryldy.
Eýranyň ýygyndysy 23-nji martda Tähran şäherinde Russiýanyň ýygyndysy bilen ýoldaşlyk duşuşygyny geçirer.