Girmek
Saud Arabystanynyň «Al-Nasr» futbol toparynyň hüjümçisi Kriştianu Ronaldu Siriýadaky ýer titremesinde kakasyny ýitiren oglanjyk bilen duşuşdy ― diýip, «Sport-ekspress» habar berýär.
6-njy fewral güni Türkiýäniň we Siriýanyň çäklerinde bolan güýçli ýer titremesinde kakasyny ýitiren Nabil Said atly oglanjyk jemgyýetçilik torlarynda özüniň futbol janköýeridigini aýdypdy. Ronaldu bu oglanjygy Saud Arabystanynyň çempionatynda «Al-Nasr» bilen «Al-Batiniň» arasynda geçirilen duşuşyga çagyrdy.
Duşuşykdan soňra Ronaldu oglanjyk bilen görüşdi. Nabil bu duşuşykdan soň žurnalistlere şeýle diýdi:
«Ronalduny görenimde, bu waka düýşümde bolýandyr öýtdüm. Hudaýa şükür, ol düýş däl eken. Biz Ronaldu bilen duşuşdyk. Ol örän gowy adam».