Russiýanyň küşt federasiýasy (RKF) fewralyň ahyrynda, mart aýynyň başynda resmi ýagdaýda Ýewropanyň küşt bileleşiginden çykyp, Aziýanyň küşt federasiýasyna (AKF) geçer. «Kommersant» gazetiniň habaryna görä, muny RKF-iň ýerine ýetiriji direktory Aleksandr Tkaçýow mälim etdi.

Geçiş AKF-niň nobadaky maslahatynda tassyklanylar. Maslahat 26-njy fewraldan 3-nji mart aralygynda geçiriler.

Tkaçýowyň aýtmagyna görä, geçiş üçin zerur resminamalaryň hemmesi AKF-ä we Halkara küşt federasiýasyna (FIDE) iberildi.

RKF Ýewropa federasiýasyndan Aziýa guramasyna geçen ilkinji rus sport guramasy bolar. Häzirki wagtda Aziýa guramasynyň howandarlygynda 52 birleşme ýygnandy.