Girmek
Düýn Watikandaky Keramatly Pýotryň ybadathanasynda 31-nji dekabrda 95 ýaşynda aradan çykan öňki Papa Benedikt XVI bilen hoşlaşmak dabarasy başlandy. Müňlerçe katolikler nobata durdy diýip, «MIR 24» ýazýar.
Papanyň jesedi bazilika gülleriniň merkezinde goýuldy, oňa gyzyl liturgiýa eşigi, başyna ak mitra geýindirildi, elinde bolsa tesbi bar. Papa bilen dindarlar şu penşenbä çenli hoşlaşyp bilerler. Şol gün ol ýerlener.
«Ol keramatlylar ýaly ýaşady, ölende-de keramatlylar ýaly amanadyny tabşyrdy, ahyrky deminde: «Isa, men seni söýýän» diýdi; «Men bu Papany gowy görýärdim. Ol hakyky Papady, ýöne oňa düşünýänler azdy, emma ol beýik şahsyýetdi. Men ony hiç haçan unutmaryn» diýip, bu ýere gelýän takwalar aýdýarlar.
Benedikt XVI Papanyň tagtynda 2005-2013-njy ýyllar aralygynda oturdy.
Şeýle-de okaň: