Lebabyň ýörite sungat mekdebiniň mugallymlary «Horeografiýa sungaty boýunça okatmagyň usulyýeti» atly okuw-amaly maslahatyna gatnaşdylar.

Bu maslahat Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebi tarapyndan guraldy diýip, «Jeyhun.news» habar berýär.

Türkmenistanyň Şekillendiriş sungaty muzeýiniň mejlisler zalynda geçirilen maslahatda sazçylyk we sungat mekdepleriniň horeografiýa sungaty boýunça sapak berýän mugallymlary çykyş etdiler. Görelde sapaklar bolsa okuw-usuly maslahata gatnaşyjylaryň özara pikir alyşmagyna goşmaça şert döretdi.