Türkmenistanyň Stoluň üstünde oýnalýan tennis federasiýasy tarapyndan 2011 ― 2016-njy ýyllar aralygynda doglan türgenleriň gözden geçiriliş ýaryşy boldy. Oňa geljekde erkekleriň we zenanlaryň arasynda geçiriljek halkara ýaryşlarda çykyş etmäge dalaşgär körpe tennisçileriň 62-si gatnaşdy.

Üç günläp dowam eden gözden geçirilişde oglanlaryň arasynda Nazym Durdyýew iň ýokary netijäni görkezdi. Ikinji orny Atahan Pygamow eýelän bolsa, Dörtguly Allanazarow ilkinji üçlüge girmegi başardy.

Gyzlaryň arasynda Elina Ahmedowa taý tapylmady. Iň gowularyň arasynda Täzegül Atakişiýewa bilen Annabibi Oraztuwakowa hem saýlandy.