Janni Infantinonyň ýene bir dört ýyllyk möhlet bilen Halkara Futbol federasiýasynyň (FIFA) prezidentligine täzeden saýlanylmagyna garaşylýar.

Guramanyň metbugat gullugy bu wezipä häzir onuň ýeke-täk dalaşgärdigini habar berdi. Saýlawlar 2023-ni ýylyň mart aýynda geçiriler.

Infantino bu wezipäni 2016-njy ýylda Zepp Blatterden kabul edip alypdy. 2019-njy ýylyň iýun aýynda ol ikinji möhlete saýlanyldy.

Gelip-çykyşy italiýaly bolan Infantino Şweýsariýanyň demigrazygynda dünýä indi. Ol 2000-nji ýylda 2016-njy ýyla çenli UEFA-da işledi.

FIFA-nyň ýolbaşçysynyň şu ýylyň sentýabr aýynda Katarda Türkmenistanyň Futbol federasiýasynyň ýolbaşçysy Arslan Aýnazarow bilen hem duşuşandygyny ýatladýarys. Bu duşuşykda Türkmenistanda futboly mundan beýläk hem ösdürmegiň wezipeleri ara alnyp maslahatlaşyldy.