Girmek
Türkmenistanly Azatjan Açilow Türkiýede dowam edýän V Yslam Raýdaşlyk oýunlarynda 63 kilograma çenli agram derejesinde grek-rim göreşi boýunça bürünç medala mynasyp boldy. Ol bürünç medal ugrundaky tutluşykda alžirli Jebbari Abdeljebary ýeňlişe sezewar etdi. Grek-rim göreşi boýunça 63 kilograma çenli agram derejesinde altyn medal eýranly Şirzad Beheştitala, kümüş medal bolsa gyrgyz pälwany Tynar Şarşenbekowa nesip etdi. Şeýle-de bu agram derejesinde ýene bir bürünç medala täjigistanly Firuz Mirzorajabow eýe çykdy.
Ozal habar berşimiz ýaly, Türkiýäniň Konýa şäherinde geçirilýän V Yslam Raýdaşlyk oýunlary 18-nji awgusta çenli dowam eder. Bäsleşiklere Türkmenistandan 80 türgen gatnaşýar.
Şeýle-de okaň:
- Agyr atletikaçy Ýulduz Jumabaýewa Türkmenistanyň V Yslam Raýdaşlyk oýunlaryndaky ilkinji medalyny gazandy
- Agyr atletikaçy Kristina Şermetowa V Yslam Raýdaşlygy oýunlarynda kümüş medala mynasyp boldy