Girmek
Duşanbe şäherinde zenanlaryň milli ýygyndy toparlarynyň arasynda geçirilen Merkezi Aziýa Futbol Assosiasiýasynyň çempionaty tamamlandy.
Çempionat 8-nji iýuldan 20-nji iýul aralygynda geçirildi. Oňa Eýranyň, Özbegistanyň, Gyrgyzystanyň, Täjigistanyň we Türkmenistanyň zenanlar toparlary gatnaşdy.
Çempionat Özbegistanyň ýygyndysynyň ýeňşi bilen tamamlandy. Bäşinji tapgyrda özbek topary Eýranyň ýygyndy toparyny 1:0 hasabynda utdy. Şeýlelikde, Özbegistanyň zenanlar topary 12 utuk toplap, ýaryşyň ähli oýunlarynda ýeňiş gazandy we öz derwezelerine ýekeje gol hem geçiritmediler.
CAFA — 2022 çempionatynyň bürünç medalyny eýelemegi başaran Gyrgyzystanyň ýygyndysy, soňky duşuşygynda Täjigistanyň toparyny 1:0 hasabynda ýeňlişe sezewar etdi. Gyrgyzystanyň ýygyndysy oýnan bäş oýnunda 4 utuk toplady.
Türkmenistanyň ýygyndysy gatnaşan ilkinji halkara ýaryşynda dördünji orny eýeledi (2 utuk).
Çempionatyň ýer eýesi, Täjigistanyň milli ýygyndysy ýekeje oýunda-da ýeňiş gazanyp bilmedi we netijede iň soňky orny eýeledi.