Girmek
2022-nji ýylyň 25-nji aprelinden Aşgabat şäherindäki «Gül zemin» söwda-dynç alyş merkezi gaýtadan öz işine başlap, Aşgabadyň ýaşaýjylary we myhmanlary üçin gapysyny giňden açar.
«Gül zemin» söwda-dynç alyş merkeziniň administrasiyasynyň «Turkmenportal» web saýtymyza habar bermegine görä, söwda-dynç alyş merkezine geljek raýatlar arassaçylyk çärelini berk berjaý edip, köpçülik ýerlerinde 2 metr araçägi saklap, agyz-burun örtüklerini bellenilen kada görä dakynmalydyrlar.
Belläp geçsek, «Gül zemin» söwda-dynç alyş merkezi 2020-nji ýylyň noýabr aýynda açylyp ulanylmaga berildi. 3 gatly bina 3,8 gektar meýdany eýeläp, 43 müň 560 inedördül metr ýerde bina edildi.
«Gül zemin» söwda-dynç alyş merkezi Aşgabat şäheriniň Magtymguly şaýoly bilen Taslama köçeleriniň çatrygynda ýerleşýär.
Habarlaşmak üçin telefon belgisi: +993 65 10-86-86.