Gananyň futbol boýunça milli ýygyndysy dünýä çempionatynyň saýlama duşuşygynda Nigeriýanyň ýygyndysy bilen deňme-deň oýnap, Katar ― 2022-ä gatnaşmaga hukuk gazandy. Duşuşyk 1:1 hasabyndaky deňlik bilen tamamlandy.

Ganadaky ilkinji duşuşykda hasap açylmandy. Şeýlelikde, Gananyň ikinji duşuşykda myhmançylykda geçiren goly ýygynda dünýä çempionatyna gatnaşmak hukugyny berdi.

Gananyň ýygyndysy dünýä çempionatyna ilkinji gezek 2006-njy ýylda gatnaşdy. Olar şondan soň hem ýaryşyň final tapgyryna iki gezek çykyp bildiler. Gana Afrika yklymynda mundiala bassyr iki gezek gatnaşyp bilen ilkinji ýygyndydyr (2006 we 2010-njy ýyllar). Şol bir wagtda-da Gana Kamerundan we Senegaldan soň dünýä çempionatynyň çärýek finalyna baryp bilen Afrikanyň üçünji döwletidir.