Girmek
Türkmenistanyň futzal boýunça milli ýygyndysy Aziýanyň kubogy ugrundaky ýaryşyň şu ýylyň 10 ― 12-nji apreli aralygynda Bişkek şäherinde (Gyrgyzystan) geçiriljek saýlama tapgyry üçin türgenleşiklere girişdi.
Aşgabat şäherindäki Olimpiýa şäherçesinde geçirilýän türgenleşikler 19-njy fewralda tamamlanar. Milli ýygyndymyzyň häzirki türgenleşiklerine «Deňizçi», «Gümrükçi», «Köpetdag», «Senagatbank», «Serhetçi», «Migrasiýa», «Milli goşun» we TNGIZT futzal toparlaryndan 17 futzalçy çagyryldy. Türgenleşikler her gün iki wagtyna geçirilýär.
Şu ýyl geçiriljek Aziýanyň kubogy ugrundaky ýaryşyň final tapgyryna gatnaşmak üçin dört sebitde 30 milli ýygyndy ýaryşar. Bije çekilişigiň netijesinde Türkmenistanyň futzal boýunça milli ýygyndysy «A» toparçada ýaryşar. Umumy ýaryşyň Merkezi we Günorta sebitine degişli bu toparçada biziň ildeşlerimizden başga-da, Eýranyň, Gyrgyzystanyň we Maldiw adalarynyň ýygyndylary bar. Şu sebitdäki «B» toparçany bolsa Özbegistanyň, Täjigistanyň, Owganystanyň we Nepalyň ýygyndylary düzýär.
Türkmen futzalçylary 10-njy aprelde Gyrgyzystanyň, 11-nji aprelde Eýranyň, 12-nji aprelde Maldiw adalarynyň ýygyndylary bilen duşuşar. Saýlama duşuşyklaryň netijesinde iň ýokary netije gazanan iki ýygyndy ýaryşyň final tapgyryna gatnaşar.
Yklym kubogy üçin jemleýji ýaryşda 16 ýygyndy güýç synanyşar. Aziýanyň kubogy ugrundaky ýaryşy şu ýylyň 25-nji sentýabryndan 20-nji oktýabryna çenli aralykda Kuweýtde geçirmek meýilleşdirilýär.
Milli ýygyndymyzyň hatarynda şu futzalçylar türgenleşýär:
| T/b | Ady we Familiýasy | Doglan senesi | Topary | Wezipesi |
|
| ||||
| 1. | Meretgeldi Baýramow | 08.01.1996ý. | «Deňizçi» FT | Derwezeçi |
| 2. | Şageldi Abdrahmanow | 10.07.1993ý. | «Gümrükçi» FT | Derwezeçi |
| 3. | Berdimyrat Sapardurdyýew | 19.08.1993ý. | «Köpetdag» FK | Derwezeçi |
|
| ||||
| 4. | Allamyrat Kurbanow | 31.08.1995ý. | «Deňizçi» FT | Futzalçy |
| 5. | Mekan Şamyradow | 10.11.1990ý. | «Gümrükçi» FT | Futzalçy |
| 6. | Mülkaman Annagulyýew | 16.10.1993ý. | «Köpetdag» FK | Futzalçy |
| 7. | Maksat Soltanow | 29.01.1993ý. | «Deňizçi» FT | Futzalçy |
| 8. | Gurbangeldi Sähedow | 18.05.1994ý. | «Aşgabat» FK | Futzalçy |
| 9. | Berdiguly Meredow | 20.12.1993ý. | «Senagatbank» FT | Futzalçy |
| 10. | Maksat Amanow | 15.08.1996ý. | «Gümrükçi» FT | Futzalçy |
| 11. | Kadyr Berenow | 26.10.1994ý. | «Deňizçi» FT | Futzalçy |
| 12. | Şiri Baýramdurdyýew | 16.11.1990ý. | «Deňizçi» FT | Futzalçy |
| 13. | Röwşen Rejepdurdyýew | 06.09.1995ý. | «Köpetdag» FK | Futzalçy |
| 14. | Gylyçmyrat Gylyçmyradow | 06.08.1992ý. | «Deňizçi» FT | Futzalçy |
| 15. | Daýanç Garajaýew | 26.04.1995ý. | «Deňizçi» FT | Futzalçy |
| 16. | Nepesgeldi Ataýew | 28.02.1999ý. | «Gümrükçi» FT | Futzalçy |
| 17. | Röwşen Orazmuhammedow | 19.09.1992ý. | «Köpetdag» FK | Futzalçy |