«Kazyýet hakynda» Türkmenistanyň Kanunynyň 54-nji, 56-njy we 72-nji maddalaryna laýyklykda, Türkmenistanyň Prezidenti Gurbanguly Berdimuhamedow «Türkmenistanyň kazyýetleriniň kazylaryny wezipä bellemek we wezipeden boşatmak hem-de olara hünär derejelerini bermek hakynda» Permana gol çekdi. Resminama laýyklykda,

Ýusup Nurmämmedowiç Begjanow Aşgabat şäheriniň Köpetdag etrap kazyýetiniň kazysy wezipesine bellenilip, ol Aşgabat şäheriniň Berkararlyk etrap kazyýetiniň kazysy wezipesinden boşadyldy;

Daýanç Arazbaýewiç Saparow Balkan welaýatynyň Balkanabat şäher kazyýetiniň kazysy wezipesine bellenildi we oňa bäşinji hünär derejesi berildi;

Begenç Annaýewiç Mämmedow Balkan welaýatynyň Magtymguly etrap kazyýetiniň kazysy wezipesine bellenildi we oňa bäşinji hünär derejesi berildi;

Parahat Sylapberdiýewiç Çaryýew, ygtyýarlyk möhletiniň tamamlanandygy sebäpli, Aşgabat şäheriniň Bagtyýarlyk etrap kazyýetiniň administratiw we ýerine ýetiriş önümçiligi boýunça kazysy wezipesinden boşadyldy;

Ogulsapar Amangeldiýewna Nurýagdyýewa, ygtyýarlyk möhletiniň tamamlanandygy sebäpli, Ahal welaýat kazyýetiniň kazysy wezipesinden boşadyldy;

Merdan Jumamyradowiç Hangeldiýew, ygtyýarlyk möhletiniň tamamlanandygy sebäpli, Balkan welaýat kazyýetiniň başlygynyň orunbasary wezipesinden boşadyldy;

Azat Hudaýberdiýewiç Kurbandurdyýew, ygtyýarlyk möhletiniň tamamlanandygy sebäpli, Balkan welaýatynyň Balkanabat şäher kazyýetiniň başlygynyň orunbasary wezipesinden boşadyldy;

Röwşen Sapargeldiýewiç Tyrrykow, ygtyýarlyk möhletiniň tamamlanandygy sebäpli, Balkan welaýatynyň Balkanabat şäher kazyýetiniň kazysy wezipesinden boşadyldy;

Meýlis Amangeldiýewiç Ýomutbaýew, ygtyýarlyk möhletiniň tamamlanandygy sebäpli, Balkan welaýatynyň Magtymguly etrap kazyýetiniň kazysy wezipesinden boşadyldy;

Ýalkapberdi Muhammetnazarowiç Baýjaýew, ygtyýarlyk möhletiniň tamamlanandygy sebäpli, Mary welaýatynyň Ýolöten etrap kazyýetiniň administratiw we ýerine ýetiriş önümçiligi boýunça kazysy wezipesinden boşadyldy.